Donostiako piratak

Donostia eta inguruko taldeek Donostiako Aste Nagusian merezi duten lekua eskaintzeko asmoarekin, Donostiako Piratek MUSIKA LEHIAKETA antolatu dugu aurten ere.

Pasa den urteko edizioak hartu zuen dimentsio eta parte hartze handia ikusirik, aurten ere eskema bera jarraituz, aste nagusian ospatuko den kontzertuaz gain,  talde aukeratuek ekaineko OStiraletan finalaurrekoak jokatuko dituztela aurreratu dezakegu.

Musika lehiaketan parte hartu nahi duten Donostia eta inguruetako (oarsoaldea eta buruntzaldea) taldeek

EKAINAREN 3a arte izango dute

3 abesti eta taldearen informazioa (ibilbidea, kontaktua, argazkiak…)  izanpirata@gmail.com helbidera bidaltzeko.

saria: Piraten aste nagusian trinitate plazan kontzertua eskaintzeko aukera3 talde hautatuentzat.
(2 epaimahaiak eta 1 kontzertuetara gerturatutakoek)

Oinarriak:

• Donostia edo inguruko (oarsoaldea eta buruntzaldea) taldeek har dezakete parte.
• Taldeak ez du kontratu profesionalik izan behar, soilik maketa edo disko autoekoiztu bat argitaratutako taldeek hartu ahal izango dute parte.

Aukeraketarako Irizpideak:

• Musika estilo aniztasuna eta oreka bat bilatzen saiatuko gara, beraz, EZ DA MUSIKA ESTILO BEREIZKETARIK EGINGO
• EUSKARAZ ABESTEN DUTEN TALDEEK LEHENTASUNA IZANGO DUTE. (3 hautatuetatik, gutxienez 2 euskarazkoak izango dira.
• OHOLTZA GAINEAN TALDEAREN PRESENTZIA, JARRERA, SHOW-a,… kontutan hartuko da.
  
• Parekidetasuna piraton oinarri izanik, TALDE MIXTOEN PARTAIDETZA BULTZATU NAHI DA. Lehentasunik ez badute izango ere, mota honetako taldeek parte hartzea garrantzitsua iruditzen zaigu.
  

Dokumentalean edo prestatzen ari garen erakusketarako materiala duzula eta proiektu hauen parte izan nahi baduzu jarri gurekin harremanetan izanpirata@gmail.com helbidean, facebookeko orrialdean edo twitter bidez!

Apirilaren 30a izango da bidaltzeko azken eguna!

Manitasa, kazetaria, diseinatzailea, pentsalaria, ingeniaria, ikaslea… zarela edo besterik gabe piraten aste nagusia prestatzeko esku 1 bota nahi duzula?

Datorren astearterako proposamena: 19:00tan dokan aste nagusia antolatzeko bilera izango da.

Ahaztu lotsa eta beldurrak!

Gerturatu eta izan pirata!

PIRATAK!

Datorren larunbatean, martxoaren 24an, Donostiako Piraten 2. BILTZARRA ospatuko dugu Dokan. (10:00tatik 12:30tara)

Aurten Donostiako Piraten mugimenduak 10. urteurrena beteko du eta Piraten Aste Nagusia antolatzen hastear gaudenean, zerbait oso berezia egin nahi dugu, zerbait benetan handia. Horretarako, Donostiar eta pirata sentitzen diren guztiak (koadrilak, norbanakoak, eragileak,…)parte hartzera gonbidatu nahi ditugu, hemendik aurrera egingo dugun bidea denon artean erabaki eta amets egiten dugun Aste Nagusia eraiki dezagun.

2. Biltzar honetan, aurreko biltzarrean esandakoa errepasatu (atxikita doakizue akta) eta aurrera begira jarriko gara. Egitarauaz hitz egingo dugu, udalarekin izango dugun harremanaz, X. urteurrenerako pentsa ditzakegun ekimenetaz eta jendeak izan ditzakeen ideiei edo ekarpenei tartea egingo diegu.

Mugimenduak irekia eta zabala izaten jarraitzen du, eta geroz eta zabalagoa izatea nahi dugu. Horregatik, ez gara errepikatzeaz nekatuko, burugogorrak gara piratak, eta pirata sentitzen diren edo senti daitezkeen guztiei luzatu nahi diegu larunbatean Biltzarrera hurbiltzeko gonbidapena.

Zabaldu mezu hau donostiar guztien artean, eta joan zaitezte zuon koadriletan, auzoan,… hitz egiten, adosten, pentsatzen,

Zenbat etorriko zarete biltzarrera?

IZAN PIRATA!

Martxoaren 23, ostirala, aukeratu dugu Ibaialde Ikastolaren aldeko kontzertua antolatzeko.

20:00tatik aurrera LA POP´LLA eta SU TA KE taldeak izango dira Dokan. Sarrerak egunean bertan jarriko ditugu 5 eurotan.

Piratok sartagudako Ibaialde ikastolaren alde! ZATOZ ZU ERE!